9 აპრილი - ერთი დღე, ორი დიდი ისტორიული კონტექსტით

  9 აპრილი - ერთი დღე, ორი დიდი ისტორიული კონტექსტით. ეს დღე ისტორიაში ჩაიწერა ტრაგედიის და ამავდროულად, საქართველოს დამოუკიდებლობის აღდგენის დღედ.

მე-11ბ კლასის მოსწავლეებმა, ნატალია თურქაძის ხელმძღვანელობით, მოამზადეს პრეზენტაცია და მთელი პასუხისმგებლობით წარსდგნენ მე-6, მე-7, მე-8 კლასის მოსწავლეების წინაშე. მოსწავლეებმა ისაუბრეს რა მოვლენები უძღოდა წინ 9 აპრილს, რა შეცვალა სისხლიანმა ღამემ მსოფლიო ისტორიაში, რა მოვალეობები გვაკისრია ამ მონაპოვრის შენარჩუნებისა და დაცვისათვის.

შეხვედრა კითხვა-პასუხის რეჟიმში წარიმართა. მოსწავლეები სვამდნენ კითხვებს და აზუსტებდნენ ბუნდოვან საკითხებს. ვნახეთ დოკუმენტური კადრები, რამაც კიდევ უფრო დაგვაფიქრა ჩვენი გმირების თავგანწირვაზე.

9 აპრილი არის დღე, რომელიც მუდმივად შეგვახსენებს, რომ დამოუკიდებლობა კონკრეტული ადამიანების გმირობისა და სიცოცხლის ფასად მოვიპოვეთ...

მადლობა თავისუფლებისათვის!

გავუფრთხილდეთ ამ მონაპოვარს!

ჩვენ დავასრულებთ ოკუპაციას!

  

ქალაქ ქუთაისის კულტურულ, სახელოვნებო, საგანმანათლებლო დაწესებულებათა გაერიანების მიერ გამოცხადებულ სასკოლო ბლოგების კონკურსში ქუთაისის N36 საჯარო სკოლის Xlბ კლასის მოსწავლეთა მიერ დამზადებულმა ბლოგმა ,,ჩვენ დავასრულებთ ოკუპაციას" ჟიურის რჩეულის ნომინაცია დაიმსახურა. მოსწავლეებს გადაეცა დიპლომი და ფასიანი საჩუქრები.

პრეზენტატორები: მარიამ გაჩეჩილაძე, ანი პერანიძე, თამარ დღვილავა, ნანუკა აბრალავა, ლიზი ბასილაძე, ნიკოლოზ ტყეშელაშვილი. ხელმძღვანელი კომპიუტერული ტექნოლოგიების პედაგოგი ნატალია თურქაძე.

იხილეთ ბლოგი:https://skola36-okupacia.blogspot.com/p/blog-page_18.html

წყარო: https://www.etm.ge/?t=news&id=102319

გილოცავთ ახალ 2022 წელს!

გიზიარებთ  ჩვენი ჯგუფის ტრადიციად ქცეულ გასართობ-ინტელექტუალურ აქტივობას. 

2018 წლიდან ვახორციელებთ მსგავსი ტიპის აქტოვობებს, რომელიც ძალიან მოსწონთ მოსწავლეებს. ერთონიან, ფიქრობენ, იხსენებენ, ეცნობიან, აზროვნებენ და რაც მთავარია ერთმანეთთან მჭიდრო, მეგობრულ ურთერთობებს ამკვიდრებენ. 

პანდემიის პირობებში ბევრი აქტივობის გახორციელება ვერ მოვასწარით, თუმცა გვაქვს ტკბილი, მნიშვნელოვანი და დაუვიწყარი მოგოგონებები, რომელსაც თავი მოვუყარეთ,  ერთმანეთს გავუზიარეთ და კიდევ ერთხელ დავტკბით ბედნიერი წუთებით <3 <3 

თითის ანაბეჭდივით ნიჭიც მრავალფეროვანია...

ნიჭი ისეთივე უნიკალური და ინდივიდუალურია როგორც ადამიანის თითის ანაბეჭდი, ამიტომ ნიჭის იმდენივეა რამდენი ადამიანიც არსებობს. პანდემიამ ჩემი საყვარელი მოსწავლეების ნიჭის აღმოჩენაზე დადებითად იმოქმედა. ხომ გაგიგონიათ „ზოგი ჭირი მარგებელიაო“. აი, ჩემ ლიზიკოც მუშაობს სახლის პირობებში და  ნამუშევრებიც დაუგროვდა. იგი მანამდედაც ხატავდა და ძერწავდა, მაგრამ დროის სიმცირის გამო ასე აქტიურად ამ შემოქმედებაში ჩასაძირად არ ეცალა. ახლა კი თავად ნახეთ რა საოცრებებს ძერწავს ჩემი პატარა გოგოს ნაზი თითები <3

ლიზი ბასილაძე სსიპ ქალაქ ქუთაისის N36 საჯარო სკოლის მე-7ბ კლასის მოსწავლეა. მოწესრიგებული, ნიჭიერი, ჭკვიანი და თბილი გოგონაა. არის მეგობრული და მოსიყვარულე...

პლასტელინის დამზადებაც ინტერნეტის საშუალებით ისწავლა  და ახლა თავადაც ამზადებს, რადგან უამრავი ჩანაფიქრი აქვს...

პანდემიისას დეფიციტში მყოფი მონატრებული კერძებისა და სუსნავების გამოძერწვაში ცდილობს გაიყვანოს დრო. მათ მიმართ სიყვარული მის ნამუშევრებშიც იგრძნობა.

ლიზიკო ხატავს და ცდილობს უფრო მეტად ჩაწვდეს ხელოვნების სიდიადეს... ფურცლებიდან კედლების მოხატვასაც ცდილობს <3

ლიზის უყვარს ცეკვა და ერთი სული აქვს მის მეგობრებთან ერთად გააგრძელოს ქართული ცეკვის გაკვეთილები.

ლიზის აინტერესებს კითხვა, მისი საყვარელი მწერალი ნოდარ დუმბაძეა, ამიტომაცაა მწერლის მსგავსად მზის გულის ადამიანი. თბილი, მოსიყვარულე, კეთილი, ციმციმელა... მე მას ნიბლიას ვეძახი რადგან გაზაფხულის პირველი მახარობელივით სულ პოზიტივს და სიკეთეს გასცემს. ბედნიერება ჩემ ნიბლიას და ულევი წარმატება <3

გიყვარდეს, არ ნიშნავს ერთმანეთის ყურებას, არამედ ხედვას ერთი მიმართულებით...

დღევანდელ ცხოვრებაში ძალზედ მნიშვნელოვანია მოსწავლე ფლობდეს შემოქმედებით  უნარებს,  შეეძლოს კრიტიკული აზროვნება და დამოუკიდებლად გადაწყვეტილებების მიღება.  ფსიქოლოგების განმარტებით შემოქმედებითი უნარების განვითარების აუცილებლობა მნიშვნელოვანია, რადგან ეს არის ადამიანის უნარი, ააგოს თავისი სამყარო, გამოხატოს თავისი დამოკიდებულება(სიტყვით, ხატვით, მუსიკით, საქმიანობით...) და წარმოაჩინოს თავისი თავი ამ  სამყაროში. სწორედ ამიტომ ამ უნარის განვითარებას სკოლაში განსაკუთრებული ყურადღება უნდა დაეთმოს.

ამბობენ, რომ  შემოქმედ მასწავლებელს ჰყავს შემოქმედებითი უნარის მქონე მოსწავლეებიო. თავი დიდ შემოქმედად არ მიმაჩნია, თუმცა მიყვარს სიახლეების ძიება და მათი დანერგვა ჩემს მოსწავლეებში. ეგზიუპერი ამბობდა- გიყვარდეს, არ ნიშნავს ერთმანეთის ყურებას, არამედ ხედვას ერთი მიმართულებითო. მგონი ჩვენ ერთმანეთსაც კარგად ვხედავთ და ერთი მიმართულებითაც ვიხედებით :) :)  
პანდემიის პერიოდში მოსწავლეებთან გამუდმებით მაქვს ურთიერთობა და ერთხელაც როცა ვთხოვე ჩემთვის მასალები მოეწოდებინათ თუ რითი გაჰყავდათ დრო და როგორ ერთობოდნენ, შედეგად ჩემი ბარტყებისგან მივიღე საოცარი ნამუშევრები, რომელმაც გამაოცა. მეგონა ყველა მათგანს კარგად ვიცნობდი, მათი შესაძლებლობებიც შესწავლილი მქონდა, მაგრამ შევცდი, ნანახმა ყოველგვარ მოლოდინს გადააჭარბა...

   დღეს მინდა ჩემი ნარჩიტა გოგო გაგაცნოთ, ეს ნათია გაბუნიაა. სწავლობს სსიპ ქალაქ ქუთაისის N36 საჯარო სკოლის მე-7ბ კლასში. მორიდებული, წყნარი, უპრეტენზიო, თბილი და კეთილი პატარა ნარჩიტაა. (მეც და მასაც უყვარს როცა მოფერებით ასე მივმართავ). 

 დღეს მინდა ნათიას შექმნილი ნახატები წარმოგიდგინოთ. ამ პატარა ნარჩიტას ნამუშევრები კიდევ ერთი მაგალითია იმისა, რომ ზოგჯერ პანდემიასაც აქვს გამართლება.    

ნათიას არის ძალიან მეგობრული და მათ მიმართ მოსიყვარულე. აქვს პასუხისმგებლობის გრძნობა. უყვარს ცეკვა და სურს მას პროფესიონალურლ დონეზე დაეუფლოს. 

წარმატებული ცხოვრება მინდა გისურვო ჩემო პარატა ნარჩიტავ. <3