26 მაისი

26 მაისთან დაკავშირებით მოსწავლეებს ჩაუტარდათ კლასის საათი, ვაჩვენე ფილმი. ვისაუბრეთ როგორც 1918 წლის 26 მაისისზე, ასევე 9 აპრილის შესახებ. გავიხსენეთ  გმირები, საუბრის შემდეგ ჩატარდა წერითი სამუშაო სახელწოდებით "რა ვიცით და რა გავიგეთ 26 მაისის შესახებ“.

ოჯახის სიწმინდის დღე

17 მაისს „ოჯახის სიწმინდის დღესთან“ დაკავშირებით დავგეგმე კლასის საათი.  ვისაუბრეთ სხვადასხვა საკითხებზე ოჯახის შესახებ. მოსწავლეებს შევთავაზე  წერითი სამუშაო, გადმოეცათ თავიანთი ნააზრევი თუ რა არის ჩემთვის ოჯახი და რას ვაკეთებ მის დასაცავად(პატივსაცემად).

ყველა მოსწავლე ჩაერთო წერითი სამუშაოს შესრულებაში. გამოთქვეს სურვილი თავიანთი ნამუშევრები ხმამაღლა წამეკითხა.

სიკეთე გადამდებია

მოსწავლეებში თანატოლების, უფროსი  თაობისადმი  პატივისცემის,  თანადგომის, დახმარების   სურვილის უნარ-ჩვევების გამომუშავებისა და გაუმჯობესების მიზნით აპრილის თვეში დავგეგმეთ აქცია სახელწოდებით „სიკეთე გადამდებია“. დავეხმარეთ ქალაქ ქუთაისის N5 საჯარო სკოლის პირველკლასელ დემეტრეს, რომელიც ებრძვის მწვავე ლიმფობლასტურ ლეიკემიას. მოსწავლეებმა მშობლების დახმარებით შეუგროვეს თანხა. მე-5გ კლასის მოსწავლეების სურვილი იმდენად დიდი იყო დახმარებოდა დემეტრეს, რომ გადაწყვიტეს მთელი სკოლა ჩართულიყო ამ დახმარების აქციაში.

მთელ სკოლასი განხორციელებული აქტივობის ფოტომასალა იხილეთ აქ

დედაენის დღე

14 აპრილთან დაკავშირებით გვქონდა კლასის საათი, სადაც აღვნიშენეთ დედაენის დღე. ვუყურეთ ფილმს ანბანთან დაკავშირებით.

შენ ქართველი ხარ ? მაშინ წერე ქართულად 

სურათზე გამოსახულია ქართული ანბანი, ვარსკვლავები, იბერიელი ქურუმი. 
ასევე: მარცხნივ მოცემულია ბორჯღალი და მარჯვნივ მთვარე. 
ქვემოთ არის წარწერა "ანბანთ უფალი"
ანუ ქართული ენა - ღმერთის ენაა!
რაც შეეხება ბორჯღალს: შვიდ ქიმიანი ბორჯღალი კოსმიური დატვირთვის მატარებელია და შვიდი წმინდა მნათობის ხატოვანი ნიმუშია.
7 წმინდა მნათობის ქართული სახელებია:
მთოვარე (იგივე ყამარ) — მთვარე
ჯუმა (იგივე ერმი და ოტარდი) — მერკური
მთიები (იგივე ცისკრის ვარსკვლავი) — ვენერა, აფროდიტე, იშტარი
მარიხი (იგივე არიან, თახა) — მარსი
დია (იგივე მუშთარი) — იუპიტერი
ზუალი — სატურნი
ჰელიო(იგივე არდი) —მზე

ბორჯღალის კონცენტრაციის ცენტრი, ანუ „ბურჯი“, საიდანაც თითოეული „ღალა“ (მნათობი) გამოედინება, ღმერთის სავანეს განასახიერებს

ერთად ვუგულშემატკივროთ ჩვენს ბორჯღალოსნებს

ჯანსაღი ცხოვრების პოპულარიზაციის მიზნით 11 თებერვალს დიდ ეკრანზე სკოლის კომპიუტერულ ლაბორატორიაში დავგეგმე და განვახორციელე აქტივობა სახელწოდებით „ერთად ვუგულშემატკივროთ ჩვენს ბორჯღალოსნებს“. მოსწავლეებმა პირდაპირ ეთერის საშუალებით ნახეს ბელგიელიის ნაკრების "შავი ეშმაკების" და ბორჯღალოსნების საოცარი დაპირისპირება. მოსწავლეების ემოციებს საზღვარი არ ჰქონდათ. 

 უჩვენოდ ბორჯღალოსნები ბელგიას, სარეკორდო ანგარიშით 47:0-ით, ვერ დაამარცხებდა :)

მორიგი შეხვედრა მანდატურთან

მანდატურის სამსახური, ჩვენს სკოლაში, უსაფრთხო გარემოს უზრუნველყოფასთან ერთად ჯანსაღი ცხოვრების  პოპულარიზაციას უწყობს ხელს. დღეს კლასის ხელმძღვანელის საათზე ჩვენი სტუმარი იყო სკოლის მანდატური ნესტანი ვარდოსანიძე.